കെഎസ്ആർടിസിയ്ക്ക് സംസ്ഥാന സർക്കാർ 72.23 കോടി രൂപകൂടി അനുവദിച്ചതായി ധനമന്ത്രി കെ എൻ ബാലഗോപാൽ അറിയിച്ചു. പെൻഷൻ വിതരണത്തിന്‌ കോർപറേഷൻ എടുത്ത വായ്‌പയുടെ തിരിച്ചടവിനായാണ്‌ നൽകിയത്‌. കഴിഞ്ഞ ആഴ്‌ചയിലും 71.53 കോടി രൂപ കെഎസ്ആർടിസിക്ക് അനുവദിച്ചിരുന്നു.
പ്രാഥമിക കാർഷിക വായ്‌പ സംഘങ്ങളുടെ കൺസോർഷ്യത്തിൽനിന്ന്‌ പെൻഷൻ വിതരണത്തിനായി കോർപറേഷൻ എടുത്ത വായ്‌പയുടെ തിരിച്ചടവാണ്‌ സർക്കാർ ഉറപ്പാക്കുന്നത്‌. ശമ്പളവും പെൻഷനുമടക്കം മുടക്കം കൂടാതെ വിതരണം ഉറപ്പാക്കാൻ പ്രതിമാസം 50 കോടി രൂപയും സഹായമായി നൽകുന്നുണ്ട്‌. രണ്ടാം പിണറായി സർക്കാർ ഇതുവരെ 5940 കോടി രൂപയാണ്‌ കെഎസ്ആർടിസിക്ക് നൽകിയത്‌.
Read more: https://www.deshabhimani.com/news/kerala/ksrtc/1134372
2024 ഓഗസ്റ്റ് 28, ബുധനാഴ്‌ച
2024 ഓഗസ്റ്റ് 17, ശനിയാഴ്‌ച
ഓട്ടോറിക്ഷയില്‍ കേരളം ചുറ്റാം; പെർമിറ്റിൽ ഇളവുമായി സർക്കാർ Read more: https://www.deshabhimani.com/news/kerala/auto-rickshaw-in-keralam/1132148
സംസ്ഥാനത്തെ ഓട്ടോറിക്ഷാ പെർമിറ്റിൽ ഇളവുമായി സർക്കാർ. ഇനി മുതല്‍ കേരളം മുഴുവൻ ഓട്ടോറിക്ഷകള്‍ക്ക് ഓടാൻ കഴിയും. സ്റ്റേറ്റ് ട്രാൻസ്പോർട്ട് അതോറിറ്റി യോഗത്തിലാണ് തീരുമാനം. ഓട്ടോറിക്ഷ യൂണിയൻ സിഐടിയു കണ്ണൂർ മാടായി ഏര്യ കമ്മിറ്റി നൽകി അപേക്ഷ പരിഗണിച്ചാണ് പെർമിറ്റിലെ ഇളവ്.
പെർമിറ്റിൽ ഇളവ് ലഭിക്കുന്നതിനായി ഓട്ടോറിക്ഷ സ്റ്റേറ്റ് പെർമിറ്റ് ആയി രജിസ്ട്രർ ചെയ്യണം. യാത്രക്കാരുടെ സുരക്ഷ ഡ്രൈവർമാർ ഉറപ്പു വരുത്തണമെന്ന്‌ എസ്ടിഎ നിർദേശിച്ചിട്ടുണ്ട്‌. 'ഓട്ടോറിക്ഷ ഇൻ ദ സ്റ്റേറ്റ്' എന്ന രീതിയിൽ പെർമിറ്റ് സംവിധാനം മാറ്റും. പുതിയ തീരുമാനത്തോടെ കേരളത്തിൽ എവിടെയും ഓട്ടോകൾക്ക് ഓട്ടം പോകാം.
Read more: https://www.deshabhimani.com/news/kerala/auto-rickshaw-in-keralam/1132148
പെർമിറ്റിൽ ഇളവ് ലഭിക്കുന്നതിനായി ഓട്ടോറിക്ഷ സ്റ്റേറ്റ് പെർമിറ്റ് ആയി രജിസ്ട്രർ ചെയ്യണം. യാത്രക്കാരുടെ സുരക്ഷ ഡ്രൈവർമാർ ഉറപ്പു വരുത്തണമെന്ന്‌ എസ്ടിഎ നിർദേശിച്ചിട്ടുണ്ട്‌. 'ഓട്ടോറിക്ഷ ഇൻ ദ സ്റ്റേറ്റ്' എന്ന രീതിയിൽ പെർമിറ്റ് സംവിധാനം മാറ്റും. പുതിയ തീരുമാനത്തോടെ കേരളത്തിൽ എവിടെയും ഓട്ടോകൾക്ക് ഓട്ടം പോകാം.
Read more: https://www.deshabhimani.com/news/kerala/auto-rickshaw-in-keralam/1132148
2024 ജൂലൈ 13, ശനിയാഴ്‌ച
AIRTWF Demands Haryana Govt to Cancel Gazette Notification to Issue Permits to Private Operators
AIRTWF Demands Haryana Govt to Cancel Gazette Notification to Issue Permits to Private Operators
THE All India Road Transport Workers’ Federation (AIRTWF) has strongly called upon the government of Haryana to rescind the recently issued gazette notification permitting private operators to run bus services on various routes. The notification, issued on July 8, 2024, authorizes the issuance of 3,658 stage carriage permits across 362 routes within the state.
AIRTWF argues that this move will further deteriorate the already struggling Haryana Roadways. According to the federation, the fleet size of Haryana Roadways has dwindled from approximately 4,200 buses in 2014 to around 2,800 today, despite a significant 12 per cent increase in travel demand over the past decade. The reduction in fleet size is seen as a deliberate move by the government, driven by ulterior motives, to undermine the state-run transport service.
The federation emphasizes that Haryana Roadways has played a pivotal role in providing employment opportunities to the SC, ST, and BC communities, adhering to the reservation policies. Unlike profit-driven private operators, Haryana Roadways operates under government directives to ensure safe, comfortable, and affordable transportation for the public. AIRTWF fears that private operators, motivated by profit, will not honour reservation policies or provide the same level of service.
Further, Haryana Roadways offers free or concessional travel to various sections of society, including students, senior citizens, and individuals with disabilities, as directed by the government. AIRTWF warns that these benefits will likely be discontinued if private operators take over, leading to severe hardships for these vulnerable groups.
AIRTWF has appealed to all state committees, federations, and unions to stand in solidarity with Haryana Roadways workers and organise protest actions against the notification. The federation also urged its members to send representations to the chief minister of Haryana, requesting the immediate cancellation of the notification.
In a detailed letter to the Haryana chief minister, AIRTWF underscored the detrimental impact of the decision on the people of Haryana. It highlighted that the transition to private operators would be disastrous, stripping away the social and economic benefits provided by Haryana Roadways. AIRTWF stressed the need to maintain government control over passenger transport services to ensure equitable, reliable, and affordable transportation for all.
The letter reiterates that the core mission of Haryana Roadways is not profit but public service, providing essential transportation services to the citizens of Haryana. The federation warns that privatising these routes will lead to higher fares, reduced service quality, and the elimination of social benefits, ultimately making the people of Haryana the worst victims of this policy shift.
In light of these concerns, AIRTWF is steadfast in its demand that the government cancel the notification and direct Haryana Roadways to continue operating services on the affected routes, ensuring that the needs of commuters are met effectively and equitably.
2024 ഫെബ്രുവരി 1, വ്യാഴാഴ്‌ച
ഡ്രൈവർമാർക്ക് കടുത്ത ഭീഷണിയുമായി ഭാരതീയ നിയമ സംഹിത അഡ്വ. എ എൻ സന്തോഷ്
ഇക്കുറി ഹിന്ദി ഹൃദയഭൂമികയിൽ 2024 പുതുവർഷപ്പുലരി പിറന്നത് ട്രക്ക്, ബസ്, ടാങ്കർ ലോറി ഡ്രൈവർമാരുടെ അനിശ്ചിതകാല സമരത്തോടെയാണ്. 2021ൽ ഇന്ത്യ കണ്ട കർഷകസമരത്തിന്റെ ഓർമ്മകൾ കേന്ദ്ര സർക്കാരിനെ വേട്ടയാടിയിട്ടാണന്നു തോന്നുന്നു ആൾ ഇന്ത്യ മോട്ടോർ ട്രാൻസ്പോർട്ട് കോൺഗ്രസ്സിന്റെ സമരം 3 നാൾ പിന്നിട്ട പാടെ കേന്ദ്ര ആഭ്യന്തര സെക്രട്ടറി അജയ്ഭല്ല സമരക്കാരെ വിളിച്ചിരുത്തി ഒത്തുതീർപ്പിലൂടെ അവസാനിപ്പിച്ചത്.
എന്തിനായിരുന്നു സമരം? എന്ന് പരിശോധിച്ചാൽ രണ്ടാം മോദി സർക്കാരിന്റെ അവസാന കാലമായതോടെ കേന്ദ്ര സർക്കാരിന് വെളിപാട് ഉണ്ടായത്രേ! രാജ്യത്തെ ക്രിമിനൽ നിയമങ്ങൾ അപ്പാടെ കൊളോണിയൽ ഭരണ കാലത്തെ പഴഞ്ചൻ ശേഷിപ്പുകൾ മാത്രമാണെന്ന്.
ഉടനെ തീരുമാനിച്ചു 1860 ലെ ഇന്ത്യൻ ശിക്ഷാ നിയമം പേര് മാറ്റി “ഭാരതീയ ന്യായ സംഹിത’ എന്ന് പുനർനാമകരണം ചെയ്യുവാൻ ഒപ്പം നിരവധി വകുപ്പുകൾ മാറ്റിയും തിരുത്തിയും 356 വകുപ്പോടെ ഭാരതീയ ന്യായസംഹിത എന്ന പേരിൽ പുതിയ നിയമം പുറത്തിറങ്ങുകയാണ് റിപ്പബ്ലിക് ദിന പിറവിയോടെ.
കൊളോണിയൽ ഭരണകാലത്ത് പാസ്സാക്കിയെടുത്ത ക്രിമിനൽ നിയമത്തിൽ പരിഷ് കാരങ്ങളും ഭേദഗതികളും ആവശ്യമുണ്ടെന്ന കാര്യത്തിൽ യാതൊരു തർക്കവുമില്ല. എന്നാൽ ഈ നിയമപരിഷ്കാരങ്ങൾ രാജ്യത്തെ പൗരജനങ്ങൾക്ക് പ്രയോജനപ്രദമായ ഒന്നായിരിക്കുകയും വേണം.
ഇന്ത്യൻ ശിക്ഷാ നിയമത്തിലെ രാജ്യദ്രോഹക്കുറ്റങ്ങളുടെ നിർവചനത്തിൽ വരുത്തിയ മാറ്റങ്ങൾ ഉൾപ്പെടെ നിരീക്ഷിച്ചാൽ യഥാർത്ഥത്തിൽ ഈ നിയമം പിന്തിരിപ്പൻ നയങ്ങളുമായി മുന്നോട്ട് പോകുന്ന കേന്ദ്ര സർക്കാരിന് സുഗമമായ പരവതാനി ഒരുക്കുവാനുള്ളതാണന്നു കാണാം.
പുതിയ നിയമത്തിന്റെ ഉള്ളടക്കത്തിൽ തന്നെ അങ്ങേയറ്റം ജനവിരുദ്ധമായതു കൊണ്ടു തന്നെയാണ് ട്രക്ക്, ബസ്, ടാങ്കർ മുതലാളിമാർക്കും തൊഴിലാളികൾക്കും അത്തരത്തിൽ ഒരു സമരത്തിന് തയ്യാറാവേണ്ടി വന്നതും.
പുതിയ ശിക്ഷാനിയമം പ്രാബല്യത്തിൽ വരുന്നതോടെ ട്രക്ക്, ബസ്, ടാങ്കർ ഡ്രൈവർ മാത്രമല്ല നിരത്തിലൂടെ വാഹനം ഓടിക്കുന്ന ഏതൊരു ഡ്രൈവറെ സംബന്ധിച്ചും തികച്ചും ഭീതിയും ആശങ്കയും ഉണ്ടാക്കുന്നതാണ് നിലവിലുള്ള 304 (A) വകുപ്പിനു പകരമായി ചേർത്തിട്ടുള്ള 106 വകുപ്പ്. ഈ വകുപ്പ് പ്രകാരം അപകട മരണത്തിന് കാരണക്കാരനായയാൾക്ക് 304 (A) നിഷ്കർഷിച്ചിരുന്ന 2 വർഷം തടവ് എന്ന ശിക്ഷാ കാലയളവ് ബി.എൻ.എസ് വകുപ്പ് 106 ആകുന്നതോടെ 5 വർഷമായി ഉയരുന്നു എന്നതാണ്.
എന്നാൽ ടി അപകട വിവരം പോലീസിനെയോ ബന്ധപ്പെട്ട മറ്റ് അധികൃതരെയോ അറിയിക്കാതെ “ഇടിച്ചിട്ട് ഓടി കളയുകയും” (hit and run) ഇര മരണപ്പെടുകയും ചെയ്താൽ അത്തരം കേസുകളിൽ തടവ് 10 വർഷം വരെയും പിഴ 7 ലക്ഷം രൂപയായും നൽകേണ്ടി വരുകയും ചെയ്യും. അതായത് തന്റേതല്ലാത്ത കാരണത്താൽ സംഭവിക്കുന്ന മന.പൂർവ്വമല്ലാത്ത നരഹത്യക്ക് പോലും നിലവിൽ 2 വർഷം തടവ് എന്നത് 5 വർഷമായി വർധിക്കുന്നു.
ഇതാണ് ട്രക്ക് ഉടമകളെയും ഡ്രൈവർമാരെയും പൊടുന്നനെ സമരരംഗത്തേക്ക് ഇറങ്ങി തിരിക്കുന്നതിന് പ്രേരകമായത്. ഇത്തരം ശിക്ഷാ സമ്പ്രദായം നടപ്പാക്കുമ്പോൾ ഡ്രൈവർമാർ ഈ തൊഴിൽ തന്നെ ഉപേക്ഷിച്ച് പോകാൻ കാരണമാകുമെന്ന ട്രക്ക്, ടാങ്കർ ഉടമകളുടെ വാദത്തെയും ഇത് ഡ്രൈവർ തൊഴിൽ എടുക്കുന്നവരെ സാമ്പത്തികമായി പാപ്പരീകരിക്കുന്നതാണന്ന വാദത്തെയും തള്ളികളയാനാവില്ല.
അതുപോലെ യാദൃച്ഛികമായി സംഭവിക്കുന്ന ഇത്തരം അപകടത്തെ തുടർന്ന് വാഹനം നിർത്തി നിയമ പ്രകാരമുള്ള കടമ നിർവഹിക്കാൻ തുനിഞ്ഞാൽ അപകടത്തിന് ഹേതുവായ ഡ്രൈവർ പലപ്പോഴും ആൾക്കൂട്ട ആക്രമണത്തിനും മറ്റും ഇരയാകുന്ന സാഹചര്യങ്ങളും നിരവധിയാണ്. ഇത്തരം സാഹചര്യങ്ങൾ കൂടിയാണ് ഹിറ്റ് ആന്റ് റൺ സാഹചര്യത്തിനും മറ്റും ഇടയാക്കുന്നത് എന്നതും കാണാതിരുന്നുകൂട.
രാജ്യത്ത് വാഹന അപകടങ്ങളും അപകട മരണ നിരക്കും വർധിക്കുന്നതിന് നിരവധി കാരണങ്ങൾ പൊതുവായുണ്ട്. ദേശീയവും അന്തർദേശീയവുമായ നിരവധി പഠന ഗവേഷണ റിപ്പോർട്ടുകൾ സൂചിപ്പിക്കുന്നത് അമിത വേഗത, മദ്യപിച്ച് വാഹനം ഓടിക്കുക, ഡ്രൈവറുടെ അശ്രദ്ധ, ഹെൽമറ്റും സീറ്റ് ബൽറ്റും ധരിക്കാതിരിക്കുക, ലൈൻ ട്രാഫിക് ധിക്കരിച്ചുള്ള ഓവർ ടേക്കിംഗ്, റോഡിന്റെ മോശം സ്ഥിതിയും വളവുകളും തിരിവുകളും എന്നിങ്ങനെ പൊതുവായ നിരവധി കാരണങ്ങൾ വർധിച്ചു വരുന്ന വാഹന അപകടങ്ങൾക്കും അപകട മരണ നിരക്കിനും ഹേതുവാകുന്നു.
നിരന്തരമായ ബോധവത്കരണത്തിലൂടെയും ശാസ്ത്രീയമായ രീതികൾ അവലംബിച്ചും റോഡ് അപകടങ്ങൾ കുറയ്ക്കുവാനുള്ള നടപടികൾ സ്വീകരിക്കുക എന്നത് തന്നെയാണ് അഭികാമ്യം. വാഹന അപകടങ്ങൾക്കും, ഹിറ്റ് ആന്റ് റൺ സംഭവങ്ങൾക്കും ഇടയാക്കുന്ന സാഹചര്യങ്ങൾ എന്ത് കൊണ്ടു ഉണ്ടാകുന്നു എന്നും അതിനെ പ്രതിരോധിക്കുവാനുള്ള ശാസ്ത്രീയമാർഗ്ഗങ്ങൾ എന്തെന്നും തിരിച്ചറിഞ്ഞ് നടപടി സ്വീകരിക്കുന്നതിന് പകരം രാജ്യത്തെ പൗരന് താങ്ങാൻ ആവാത്ത തടവും പിഴയും ചുമത്തി വാഹന അപകടവും മരണനിരക്കും കുറക്കാമെന്ന് വിചാരിക്കുന്നത് പരിഷ്കൃത ജനസമൂഹത്തിന് യോജിച്ചതല്ല.
റോഡ് ഗതാഗതമന്ത്രാലയം 2022ൽ പുറത്തിറക്കിയ വാർഷിക റിപ്പോർട്ടിൽ പറയുന്നത് ഇന്ത്യയിലെ വിവിധ സംസ്ഥാനങ്ങളിലും കേന്ദ്ര ഭരണപ്രദേശങ്ങളിലുമായി 4,61,312 റോഡപകടങ്ങൾക്കും അതിലൂടെ 1,68,491 പേരുടെ മരണത്തിനും 4,43,366 പേർ ഗുരുതരമായ പരിക്കുകൾക്ക് വിധേയരായി എന്നുമാണ്. ഇത് തൊട്ടു മുൻ വർഷത്തെക്കാൾ ശതമാനത്തിന്റെ വർധിച്ച കണക്കാണെന്നും പറയുന്നു.
ഇത് ആഗോള റോഡപകട സ്ഥിതിവിവരക്കണക്കുമായി താരതമ്യം ചെയ്യുമ്പോൾ ഭീതിജനകം തന്നെയാണ്. ഇന്ത്യയിൽ വാഹനങ്ങളുടെ എണ്ണം വർധിക്കുന്നതിന് ആനുപാതികമായി റോഡ് സൗകര്യം വർധിക്കുന്നില്ല.
ഇത് വാഹന അപകടങ്ങളുടെ എണ്ണവും അപകട മരണ നിരക്കും വർധിക്കാൻ ഇടവരുത്തുന്നുണ്ട്. അതുകൊണ്ട് കേവലം തടവ് ശിക്ഷാ കാലയളവും പിഴയും വർധിപ്പിച്ച് വാഹന അപകടങ്ങൾ എങ്ങിനെയാണ് കുറയ്ക്കാനാകുക? അപകടങ്ങൾ എന്നത് യാദൃശ്ചികമായി സംഭവിക്കുന്നതാണ്. അത്തരം യാഥാർത്ഥ്യത്തെ തിരിച്ചറിഞ്ഞായിരിക്കണം ഇത്തരം കുറ്റകൃത്യങ്ങളെ കൈകാര്യം ചെയ്യുവാൻ. അശ്രദ്ധയും അമിതവേഗതയും അപകടഹേതുവായി എന്ന് കണ്ടെത്തുന്ന കേസുകളിലാണ് തടവ് ശിക്ഷാ കാലയളവ് 2 വർഷം എന്നതിൽ നിന്നും 5 വർഷമായി വർധിപ്പിക്കുന്നതിനും പിഴശിക്ഷ ഈടാക്കുന്നതിനും പുതിയ നിയമത്തിൽ വ്യവസ്ഥ ചെയ്തിട്ടുള്ളത്.
എന്നാൽ ബഹുഭൂരിപക്ഷം വരുന്ന വാഹന അപകടങ്ങളിലും പോലീസ് കുറ്റവാളിയെന്ന് കണ്ടെത്തി പ്രതിപട്ടികയിൽ ചേർക്കപ്പെടുന്ന വ്യക്തി പലപ്പോഴും യഥാർത്ഥത്തിൽ കുറ്റക്കാരനായിരിക്കണമെന്നില്ല. അപകടത്തെ തുടർന്ന് പ്രതിക്ക് ഇരയോടു തോന്നുന്ന അനുകമ്പയും സഹാനുഭൂതിയും വരെ ഇത്തരം കേസുകളിൽ നിരപരാധി ആണങ്കിലും പ്രതിസ്ഥാനത്ത് വരാൻ കാരണമാകാറുണ്ട്.അതുകൊണ്ട് തന്നെ ഈ തടവ് കാലയളവും പിഴയും അമിതമായി വർധിപ്പിച്ചു കൊണ്ടുള്ള ഭാരതീയ ന്യായ സംഹിത അപകടം കുറക്കുന്നതിന് ഉപകരിക്കില്ല.പകരം വാഹന അപകട ഇൻഷ്വറൻസ് പരിരക്ഷ നൽകുന്ന ഇൻഷ്വറൻസ് കമ്പനികൾക്ക് നഷ്ടപരിഹാര ബാദ്ധ്യതയിൽ നിന്ന് മോചനമേകുമെന്നു മാത്രം.
ഒരുവന്റെ പ്രവൃത്തിയിൽ അച്ചടക്കവും (Discipline), ആദരവും (Respect) ബുദ്ധിശക്തിയും (Intelligence) ദീർഘവീക്ഷണവും (Vision) കാര്യക്ഷമതയും (Efficiency) ഉത്തരവാദിത്വവും (Responsibility) അലിഞ്ഞു ചേരുമ്പോഴാണ് അയാൾ ഡ്രൈവർ ആയി മാറുന്നത്. അതാണ് ഡ്രൈവർ എന്ന പദപ്രയോഗത്തിലൂടെ ലക്ഷ്യമാക്കുന്നതും. അതുകൊണ്ട് തന്നെ വാഹനം ഓടിക്കുന്ന ഡ്രൈവർമാരെ മറ്റിതര കുറ്റവാളികളെ പോലെ പരിഗണിക്കുന്ന മനോഭാവത്തിലും മാറ്റം ഉണ്ടാകേണ്ടിയിരിക്കുന്നു.
2023 നവംബർ 26, ഞായറാഴ്‌ച
ടൂറിസ്റ്റ് പെർമിറ്റുകാർക്ക്‌ സ്റ്റെയ്ജ് കാരിയറായി ഓടിക്കാനാകില്ല. എഴുത്ത്.കെ.ജെ.ജേക്കബ്
ഹൈക്കോടതിയുടെ ഇടക്കാല ഉത്തരവും കേന്ദ്ര സർക്കാരിന്റെ വിഡിയോയും കണ്ടുകഴിഞ്ഞപ്പോൾ എല്ലാവര്ക്കും ഒരു കാര്യം മനസിലായിക്കാണണം: വിനോദ സഞ്ചാരമേഖല പ്രോത്സാഹിപ്പിക്കാനും ആ രംഗത്തുള്ള സംരംഭകർക്ക്‌ നേരിടേണ്ടിവരുന്ന ചില പ്രായോഗിക വിഷമതകൾ ഇല്ലാതാക്കാനും ചില സൗകര്യങ്ങൾ പുതുതായി ഏർപ്പെടുത്താനുമാണ് കേന്ദ്ര സർക്കാർ ബന്ധപ്പെട്ട ചട്ടങ്ങൾ ഈ വര്ഷം ഭേദഗതി ചെയ്തത്. (ലിങ്കുകൾ കമന്റിൽ കൊടുത്തിട്ടുണ്ട്) അതുവച്ച് ടൂറിസ്റ്റ് പെർമിറ്റുകാർക്ക്‌ സ്റ്റെയ്ജ് കാരിയറായി ഓടിക്കാനാകില്ല.
***
നമ്മുടെ നിയമം അനുസരിച്ച് പൊതു ഗതാഗതത്തിനു രണ്ടുതരം വിഭാഗങ്ങളാണുള്ളത്: സ്റ്റെയ്ജ് കാരിയർ; കോണ്ട്രാക്റ്റ് കാരിയർ. രണ്ടിനും പ്രത്യേകം പ്രത്യേകം ചട്ടങ്ങളുമുണ്ട്. അതിൽ കോണ്ട്രാക്റ്റ് കാരിയറുകൾക്കു ടൂറിസം പെർമിറ്റ് കിട്ടും. ഒപ്പം കുറെ കർശന നിബന്ധനകളുമുണ്ട്.
ഉദാഹരണത്തിന് അവർ നടത്തുന്നത് സർക്കുലർ സർവീസാണെകിൽ അത് നോട്ടിഫൈ ചെയ്ത ടൂറിസ്റ്റ് കേന്ദ്രമായിരിക്കണം; പോകേണ്ട ഓരോ സംസ്‌ഥാനത്തുനിന്നും അപേക്ഷ കൊടുത്ത് ഫീസടച്ച് പെർമിറ്റ് വാങ്ങണം. തുടങ്ങിയടത്തുതന്നെ തിരിച്ചെത്തിയാൽ അക്കാര്യം ബന്ധപ്പെട്ട അധികാരികളെ അറിയിക്കണം. യാത്രക്കാരുടെ ലിസ്റ്റിന്റെ മൂന്നു കോപ്പി കൈയിലുണ്ടാവണം; ബസ് സ്റ്റാൻഡുകളിൽ കയറാൻ പാടില്ല.
പിന്നെയുമുണ്ട് കാക്കത്തൊള്ളായിരം നിബന്ധനകൾ.
സത്യത്തിൽ ആ ചട്ടങ്ങളൊക്കെ വച്ച് ഇത്ര കാലം ടൂറിസം ഓപ്പറേഷൻ നടത്തിയ സംരംഭകരെ സമ്മതിക്കണം!
കേന്ദ്ര സർക്കാർ മിക്കവാറും ഇത്തരം നൂലാമാലകൾ ഒഴിവാക്കി, അഖിലേന്ത്യാ ടൂറിസ്റ്റ് പെർമിറ്റ് എന്നൊരു പുതിയ പെർമിറ്റ് ഏർപ്പെടുത്തി. അതുവച്ചു ഇവിടെനിന്നു ആഗ്രയ്ക്കു പോകാൻ ഓരോ സംസ്‌ഥാനത്തുനിന്നും പെർമിറ്റും ലൈസന്സുമൊന്നും ഒന്നും വേണ്ട. പോയിട്ട് ഇങ്ങോട്ടുതന്നെ വരണമെന്നില്ല, അവിടെനിന്നു നിങ്ങള്ക്ക് വേറെ എങ്ങോട്ടെങ്കിലും പോകണമെങ്കിൽ പോയിട്ട് സൗകര്യം പോലെ വന്നാൽ മതി. വരുന്ന കാര്യം അറിയിക്കണമെന്ന നിയമമൊക്കെ മാറ്റി.
കൂടെ ചില്ലറ ആനുകൂല്യങ്ങള് കൂടുതലായി കൊടുത്തു. ഉദാഹരണത്തിന് ബസ് സ്റ്റാൻഡിൽ കയറാൻ പാടില്ല എന്ന ചട്ടം മാറ്റി.
ഒരു ടൂറിസ്റ്റ് ബസിനു അതെങ്ങിനെ ഗുണകരമാകും?
തിരുവനന്തപുരത്തുനിന്നു മൂകാംബികയിലേക്കു പോകുന്ന ടൂറിസ്റ്റ് ബസിൽ കയറാൻ എനിക്ക് കാക്കനാട്ട് നിന്ന് കലൂർ ബസ് സ്റ്റാൻഡിൽ ഇറങ്ങി അവിടെ നിന്നും ടൂർ പാർട്ടിയ്‌ക്കൊപ്പം ചേരാം. പഴയ ചട്ടമനുസരിച്ച് അത് നടക്കില്ല.
യാത്രക്കാരുടെ ലിസ്റ്റിന്റെ മൂന്നു കോപ്പി എന്നത് ഒരു ഇലക്ട്രോണിക് കോപ്പി മാറ്റി എന്നാക്കി.
പുതിയ ചട്ടങ്ങളിൽ ഒഴിവാക്കിയ 82 മുതൽ 85A വരെയുള്ളവ വായിച്ചുനോക്കിയാൽ ആർക്കും മനസിലാകും സർക്കാർ എത്ര ധാരണയോടുകൂടിയാണ് അത് ചെയ്തതെന്ന്. (ലിങ്ക് കമന്റിൽ കൊടുത്തിട്ടുണ്ട്)
ഒഴിവാക്കിയ ചട്ടങ്ങളിൽ ടൂറിസ്റ്റ് വാഹനം സ്റ്റെയ്ജ് കാരിയർ ആയി ഉപയോഗിക്കരുത് എന്ന ചട്ടവുമുണ്ട്.
അതിനർത്ഥം ടൂറിസ്റ്റ് വാഹനം സ്റ്റെയ്ജ് കാരിയർ ആയി ഓടിക്കാം എന്നാണെന്നാണ് റോബിൻ ബസ് ആവേശക്കമ്മിറ്റ്കാർ വാദിക്കുന്നത്.
എന്തൊരു വിതണ്ഡവാദമാണിത്! സ്റ്റെയ്ജ് കാര്യരായി ഉപയോഗിക്കേണ്ട വാഹനങ്ങളുടെ കാര്യത്തിൽ കാണ്ഡം കാണ്ഡമായി നിയമത്തിലും ചട്ടങ്ങളിലും വിശദമായി പറയുന്നുണ്ട്. ടൂറിസ്റ്റ് ഓപറേറ്ററുടെ ടൂരിസ്റ്റ് വാഹനത്തിനു മാത്രമാണ് ടൂറിസ്റ്റ് പെർമിറ്റ് അനുവദിക്കുന്നത് എന്ന് പുതിയ ചട്ടത്തിൽ കൃത്യമായി പറയുന്നുണ്ട്.
അതൊന്നും നമ്മുടെ ഉല്സാഹക്കമ്മിറ്റി സമ്മതിക്കില്ല.
ടൂറിസ്റ്റ് വാഹനങ്ങൾക്കു കൊടുത്ത ആനുകൂല്യങ്ങളിൽ ചിലതു സ്റ്റെയ്ജ് കാരിയറുകളുടേതാണ് എന്നതുകൊണ്ട് അവ സ്റ്റെയ്ജ് കരിയറുകളാക്കി ഓടിക്കാം എന്നൊക്കെയാണ് അവരുടെ വാദം.
കലൂര് നിന്ന് ആലുവയ്ക്കു പോകുന്ന വണ്ടിയുടെ അതേ ചട്ടങ്ങളാണ് കലൂര് നിന്ന് ആഗ്രയ്ക്കു പോകുന്ന വണ്ടിയ്ക്കും എന്ന്!
തത്കാലം ആ വാദം അംഗീകരിക്കാൻ പറ്റില്ലെന്നാണ് കോടതി പറഞ്ഞിരിക്കുന്നത്.
ടൂറിസം വ്യവസായത്തെ പ്രോത്സാഹിപ്പിക്കാൻ കേന്ദ്ര സർക്കാർ കൊണ്ടുവന്ന ചട്ടങ്ങൾ ദുരുപയോഗപ്പെടുത്തിയും നിയമത്തെ ദുർവ്യാഖ്യാനം നടത്തിയും അത് നടപ്പാക്കാൻ നടക്കുന്ന ഉദ്യോഗസ്‌ഥന്മാരെയും സർക്കാരിനെയും വെല്ലുവിളിച്ചും ഇക്കാര്യങ്ങൾ നടത്തിക്കൊണ്ടുപോകാം എന്ന് ആരാണ് ഈ മനുഷ്യർക്ക് ഉപദേശം നൽകുന്നത്!
നിയമലംഘകർക്ക് വേണ്ടി കൊട്ടേഷൻ എടുത്തു നടക്കുന്ന ചില മാധ്യമപ്രവർത്തകരുണ്ട്.
എന്ത് പറയാനാണ്!
***
ഇത്രയുമൊക്കെ പറഞ്ഞിട്ടും മനസിലാകാത്തവർക്കുവേണ്ടി ഏകദേശം ഒരുദാഹരണം പറഞ്ഞുനിർത്താം.
നിങ്ങളുടെ ഒരു അടുത്ത ബന്ധു പഠനാർത്ഥം നിങ്ങളുടെ വീട്ടിൽ താമസിക്കുന്നു എന്നിരിക്കട്ടെ.
ഉദാരമതികളായ നിങ്ങളുടെ മാതാപിതാക്കൾ ആ ബന്ധുവിനെ നിങ്ങളെപ്പോലെ കരുതുന്നു. വീട്ടിൽ ഒരു പോലെ കണ്ടു പെരുമാറുന്നു; വീട്ടിലെ എല്ലാ സൗകര്യങ്ങളും ഉപയോഗിക്കാൻ ബന്ധുവിന് അനുവാദം കൊടുക്കുന്നു. എന്തിന്, നിങ്ങളെപ്പോലെ സ്‌കൂളിൽ നിന്നും വരുമ്പോൾ അടുത്ത ബേക്കറിയിൽനിന്നു ഇഷ്ടമുള്ളത് കൊടുത്തേക്കാൻ ബേക്കറിക്കാരനെ ചുമതലപ്പെടുത്തുക കൂടി ചെയ്യുന്നു.
അതിനർത്ഥം നിങ്ങളുടെ മാതാപിതാക്കളുടെ സ്വത്തിനു ബന്ധുവിന് അർഹതയുണ്ട് എന്നല്ല. അങ്ങിനെയൊരു അവകാശവാദം ഉന്നയിച്ചാൽ ആരും വകവയ്ക്കില്ല. കാരണം രണ്ടുപേരും രണ്ടു വിഭാഗങ്ങളിൽപെട്ട മനുഷ്യരാണ്; ചില ആനുകൂല്യങ്ങൾ ഒരേപോലെ അനുഭവിക്കുന്നു എന്നതുകൊണ്ട് ഒരേ കാറ്റഗറി ആകുന്നില്ല. രണ്ടിന്റെയ്യും നിർവ്വചനങ്ങൾ വേറെ വേറെ അവിടെ കിടക്കുന്നുണ്ട്.
അതാണ് ഇപ്പോൾ ഹൈക്കോടതി ഒരു ഇടക്കാല ഉത്തരവിൽ വ്യക്തമാക്കിയത്.
ആവേശക്കമ്മിറ്റിക്കാർ പിരിഞ്ഞുപോയാൽ അവർക്കു നല്ലത്; അല്ലെങ്കിൽ കെ എൻ ബാലഗോപാലിനു നല്ലത്.
2023 നവംബർ 23, വ്യാഴാഴ്‌ച
ശബരിമല തീർത്ഥാടനം സംഘർഷഭരിതമാക്കാൻ സംഘികൾ എറിയുന്ന ചൂണ്ടയിലെ പുഴുവാണ് ഗിരീഷ് ബേബി എന്ന റോബിൻ ഗിരീഷ്
1 കോയമ്പത്തുരിൽ തമിഴ്നാട് MVD റോബിൻ ബസ് പിടിച്ചിട്ടപ്പോൾ . ബസ് പിടിച്ചിട്ടില്ലെങ്കിൽ ശബരിമല തീർത്ഥാടകരുമായി വരുന്ന തമിഴ് നാട് ബസുകൾ കേരള MVD പിടിച്ചിടുമെന്ന് കേരള സർക്കാർ ഭീഷണിപ്പെടുത്തി എന്ന കള്ളം പറഞ്ഞു '
2 തമിഴ്നാട് MVD ഫൈൻ ഈടാക്കി ബസ് വിട്ടു കൊടുത്തപ്പോൾ ആൾ ഇന്ത്യ ടൂറിസ്റ്റ് പെർമിറ്റ് ഉപയോഗിച്ച് ശബരിമലയിലേക്ക് സർവീസ് നടത്തുമെന്ന് പറഞ്ഞു ( നിലയ്ക്കൽ നിന്ന് പമ്പയിലേക്കും ) ശബരിമല ഭക്തരെ പിഴിഞ്ഞ് സർക്കാർ കാശ് ഉണ്ടാക്കുന്നു എന്നുള്ള കള്ളം പറഞ്ഞു.
വസ്തുത :- ഗുഡ്സ് വെഹിക്കിൾസ് ( ലോറി, മിനി ലോറി , ഗുഡ്സ് ഓട്ടോ ) ഒഴികെ ഏത് തരം അന്തർസംസ്ഥാന ടൂറിസ്റ്റ് / മറ്റ് ബസുകൾക്ക് നിലയ്ക്കൽ വരെ സർവീസ് നടത്താം... മറ്റ് സംസ്ഥാന RTCകൾക്ക് പമ്പ വരെ സർവീസ് നടത്താം. പമ്പയിൽ ആളെ ഇറക്കി തിരിച്ച് നിലയ്ക്കൽ വന്ന് പാർക്ക് ചെയ്യണം. 14 സീറ്റോ അതിൽ താഴെയുള്ള വാഹനങ്ങൾക്ക് മാത്രമേ പമ്പയിൽ പാർക്കിങ്ങ് അനുമതി ഉള്ളൂ... KSRTC യ്ക്ക് മാത്രമേ പമ്പയിൽ സ്റ്റാന്റ് ഉള്ളൂ... പമ്പാ തീരം വനം വകുപ്പിന്റെ അധീനതയിൽ ആയതു കൊണ്ട് പമ്പയിൽ കൂടുതൽ പാർക്കിങ്ങിന് ഉള്ള സ്ഥലം വനം വകുപ്പ് വിട്ടു നൽകില്ല.
വലിയ സ്വകാര്യ / ടൂറിസ്റ്റ് വാഹനങ്ങൾ നിലയ്ക്കൽ വരെ സർവീസ് പാടുള്ളൂ എന്ന സർക്കാർ തീരുമാനം ഹൈക്കോടതിയും ശരിവെച്ചിട്ടുള്ളതാണ്.. വസ്തുത ഇതായിരിക്കേ നിലയ്ക്കൽ - പമ്പ റൂട്ടിലേയ്ക്കും സർവീസ് നടത്തുമെന്നുള്ള റോബിൻ ഗിരീഷിന്റെ പരസ്യ പ്രസ്താവന സംസ്ഥാനത്തോടുള്ള യുദ്ധ പ്രഖ്യാപനമാണ്... അത് അനുവദിച്ച് നൽകാനാകില്ല... ഇയാളെ മുൻനിർത്തി ശബരിമലയിൽ ഒരു സംഘർഷം സൃഷ്ടിക്കുന്നതിനുള്ള ആസൂത്രിത നീക്കം സംഘികൾ തുടങ്ങിക്കഴിഞ്ഞു...
റോബിൻ ബസിന് ഓരോ ട്രിപ്പിലും MVD ഫൈൻ അടിച്ച് കൊടുക്കൽ തുടർന്ന് കൊണ്ടേയിരിക്കുന്നു. പെർമിറ്റ് വ്യവസ്ഥയുടെ ലംഘനം അയാൾ തുടരുന്നു എന്നത് തന്നെ കാരണം. സ്റ്റേജ് ക്യാരേജ് ആയി സർവീസ് നടത്താമെന്ന്
ഗിരീഷ് പറയുന്ന കള്ളം പൊളിക്കുന്ന വസ്തുതകർ വ്യക്തമാക്കാം...
1. ഭരണഘടനയുടെ ഏഴാം പട്ടികയിലെ മൂന്നാം ലിസ്റ്റിൽ ( കൺകറന്റ് ലിസ്റ്റ് ) ഇനം 35 ലാണ് മോട്ടോർ വാഹനവും അതിന്റെ നികുതിയും കിടക്കുന്നത്. ( 35. Mechanically propelled vehicles including the principles on which
taxes on such vehicles are to be levied) കേന്ദ്ര മോട്ടോർ വെഹിക്കിൾ നിയമം പാർലമെന്റ് പാസാക്കിയത് ഈ അധികാരം ഉപയോഗിച്ചാണ് . സംസ്ഥാനങ്ങൾക്ക് കേന്ദ്ര നിയമ വ്യവസ്ഥകൾക്കു വിരുദ്ധമല്ലാത്ത നിയമം ഉണ്ടാക്കാം. ഈ നിയമത്തിൽ തന്നെ വിരുദ്ധമല്ലാത്ത ഭേദഗതികൾ വരുത്താം . ആക്ട് പരിശോധിച്ചാൽ ഇങനെ സംസ്ഥാനം വരുത്തിയ ഭേദഗതികൾ കാണാo .
2. നിയമത്തിലെ (Act) വ്യവസ്ഥകൾക്കു വിരുദ്ധമല്ലാതെ ചട്ടങ്ങൾ നിർമ്മിക്കാൻ കേന്ദ്ര സർക്കാരിനും സംസ്ഥാനങ്ങൾക്കും അധികാരമുണ്ട് . ആക്ടിലെ വ്യവസ്ഥകൾക്കു വിരുദ്ധമായ വ്യവസ്ഥകൾ ചട്ടത്തിൽ കൊണ്ടു വന്നാൽ നിയമ വിരുദ്ധമാണ് ( Ultravires of the Act) , അതു നിലനിൽക്കില്ല.
3. കേന്ദ്ര മോട്ടോർ വാഹന നിയമത്തിന്റെ (Act) വകുപ്പ് രണ്ട് definition Clause ആണ് . Contract Carriage , stage carriage , Goods Carriage തുടങ്ങിയവയെല്ലാം വിവിധ ക്ലോസുകളിലായി ഇവിടെ define ചെയ്യുന്നുണ്ട്. ഇതിൽ clause 43 ആണ് " tourist vehicle " എന്താണ് എന്നു പറയുന്നത്.
" tourist vehicle means a contract carriage........" ഇതാണ് നിർവ്വചനം.
4. ഇപ്പോൾ വിവാദമായിട്ടുള്ള റോബിൻ ബസ് All India Tourist permit എടുത്തിട്ടുള്ളതിനാൽ എങ്ങനെയും ( അതായത് stage carriage ആയിട്ടും ) ഓടാം എന്നതാണല്ലോ അവരുടെ വാദത്തിന്റെ ചുരുക്കം. All India Touris vehicles ( Permit ) Rules 2023 കേന്ദ്ര സർക്കാർ കേന്ദ്ര മോട്ടോർ വാഹന നിയമത്തിന്റെ വകുപ്പ് 88 ലെ ഉപവകുപ്പ് 14 നൽകുന്ന ചട്ട നിർമ്മാണ അധികാരം ഉപയോഗിച്ച് ഇറക്കിയ Rules ആണ് . ഇതേ വകുപ്പിലെ ഉപ വകുപ്പ് 9 ൽ പറയുന്ന ടൂറിസം പ്രമോഷനു വേണ്ടി all India Tourist permit കൊടുക്കാമെന്ന വ്യവസ്ഥയുടെ നടത്തിപ്പിനാണ് ഈ ചട്ടം ഉണ്ടാക്കിയിട്ടുള്ളത്. രണ്ടു കാര്യങ്ങൾ ഇവിടെ പ്രസക്തമാണ്. ഒന്ന്, ഈ ചട്ടം കേന്ദ്ര മോട്ടോർ വാഹന നിയമത്തിലെ വ്യവസ്ഥകൾക്കു വിധേയമാണ്. രണ്ട് , എന്താണീ ചട്ടത്തിന്റെ ഉദ്ദേശം എന്നത് Section 88 (9) പ്രകാരം , തടസമില്ലാത്ത അന്തർസംസ്ഥാന ടൂറിസം പ്രമോഷനാണ് എന്നതും സുവ്യക്തമാണ്.
5..All India Tourist vehicles ( Permit ) Rules 2023 അതിന്റെ definition Clause ലും scope സംബന്ധിച്ച വ്യവസ്ഥയിലും ഈ ചട്ടത്തിന്റെ ഉദ്ദേശം വ്യക്തമാക്കിയിട്ടുണ്ട്. Rule 2 (b) All India Tourist permit means a permit issued by the Transport Authority to enable a tourist vehicle operator / owner to Ply tourist vehicle through out the territory of India ...." അപ്പോൾ ഈ പെർമിറ്റ് Tourist vehicle ഓടിക്കാൻ ഉദ്ദേശിച്ചുള്ളതാണ്. ഈTourist vehicle എന്നാൽ എന്താണ് എന്നും ഇതേ ചട്ടത്തിലെ 2 (d) വ്യക്തമാക്കുന്നുണ്ട്. 2 (d) " tourist vehicle shall have the same meaning assigned to them in clause 43 of Section 2 of the Act " കേന്ദ്ര മോട്ടോർ വാഹന നിയമത്തിലെ അതേ നിർവ്വചനമാണ് ബാധകം എന്നാണ് അർത്ഥം. അതു നേരത്തേ കണ്ടു.tourist vehicle means a contract carriage........" ഇതാണല്ലോ അവിടെ പറയുന്നത്. അതായത് ഈ permit contract Carriage നു കൊടുക്കുന്ന ഒന്നു മാത്രമാണ്.
6. All India Tourist vehicles ( Permit ) Rules 2023 ന്റെ Rule 6 ഈ ചട്ടങ്ങൾ പ്രകാരമുള്ള പെർമിറ്റിന്റെ Scope പറയുന്നുണ്ട്. 6 (2) ഇതാണ്. "The All India Tourist permit shall be used for the transport of tourists ........'' ഇതു ടൂറിസ്റ്റ് യാത്രയ്ക്കുള്ള contract Carriage Permit ആണ് വിഭാവനം ചെയ്തിരിക്കുന്നത് എന്നു വ്യക്തം.
7. സകല ഫാൻസ് അസോസിയേഷൻകാരും പറയുന്ന വാദം ഈ ചട്ടങ്ങളിലെ Rule 13 പ്രകാരമുള്ള ഒരു exemption സംബന്ധിച്ചാണ് . കേന്ദ്ര മോട്ടോർ വാഹന ചട്ടങ്ങൾ 1989 ലെ Rule 82 മുതൽ 85 A വരെയുള്ള വ്യവസ്ഥകൾ All India Tourist permit നു ബാധകമാകില്ല എന്നതാണ് ഈ exemption. ഇവിടെ രണ്ടു കാര്യങ്ങൾ പ്രസക്തമാണ്. കേന്ദ്ര മോട്ടോർ വാഹന Act ലെ വ്യവസ്ഥകൾ ഒരു ചട്ടംകൊണ്ടും മറികടക്കാനാവില്ല. ഇവിടെ ഒഴിവു കൊടുത്തിരിക്കുന്നത് 1989 ലെ കേന്ദ്ര മോട്ടോർ വാഹന ചട്ടങ്ങളിലെ ചില വ്യവസ്ഥകളിൽ നിന്നുമാണ്. Act ലെ വ്യവസ്ഥകൾക്കുo സ്വഭാവത്തിനും വിരുദ്ധമായ ഒരു ചട്ടവും Ultimate Judicial Review ൽ നിലനിൽക്കില്ല.
8. ഈ exemptions ന്റെ കാര്യo കൂടി പറയേണ്ടതുണ്ട്. കേന്ദ്ര മോട്ടോർ വാഹന ചട്ടങ്ങളിലെ അദ്ധ്യായം 4 ടൂറിസ്റ്റ് പെർമിറ്റ് സംബന്ധിച്ചുള്ള വ്യവസ്ഥകളാണ് ഉൾക്കൊള്ളുന്നത്. ടൂറിസ്റ്റ് പെർമിറ്റ് നടപടിക്രമങൾ, ഉപാധികൾ, ഫീസ് എന്നിവയൊക്കെയാണ് ഇതിൽ വ്യവസ്ഥപ്പെടുത്തിയിട്ടുള്ളത്. പുതിയ പ്രത്യേകമായ ടൂറിസ്റ്റ് പെർമിറ്റ് ചട്ടങ്ങളുടെ പശ്ചാത്തലത്തിൽ ഇത് മനസിലാക്കണം. തടസ രഹിതമായ അന്തർ സംസ്ഥാന ടൂറിസമാണ് ചട്ടങ്ങളുടെ ലക്ഷ്യം. ടൂറിസം ഓപ്പറേഷനുള്ള വ്യവസ്ഥകൾ ലിബറലാക്കുക എന്നതാണ് ഇംഗിതം . ടൂറിസ്റ്റുകളുടെ ലിസ്റ്റ്, ബസിന്റെ നിറം ഇങ്ങനെയുള്ള പലതും exempt ചെയ്യുകയാണ് ചെയ്തിരിക്കുന്നത്. എന്നാൽ ഈ exempted വ്യവസ്ഥയിൽ " The permit holder shall not operate the tourist vehicle as a stage Carriage " എന്ന വ്യസ്ഥ കൂടി പെട്ടിരിക്കുന്നു. ഇതാണ് റോബിൻ ഫാൻസ് ഉന്നയിക്കുന്ന പ്രസക്തമായ വാദം. ഈ വ്യവസ്ഥയിൽ നിന്നും exemption വരുന്നതോടെ tourist vehicle നു stage carriage ആക്കി ഓടിക്കാം എന്നതാണ് ഈ സാങ്കേതിക വാദം. എന്നാൽ റൂട്ട്, ഫെയർ , ഷെഡ്യൂൾ , കൺസഷൻ തുടങ്ങി Stage Carriage നു ബാധകമായ റഗുലേറ്ററി വ്യവസ്ഥകൾ ഒന്നും തങ്ങൾക്കു ബാധകവുമാകില്ല എന്നതാണ് ഈ ഫാൻസ് ക്ലബ്ബ് അവകാശ വാദം.
9. Stage carriage , contract Carriage എന്നിവയും tourist vehicle എന്നതും എല്ലാം എന്താണ് എന്നത് മാതൃ നിയമത്തിലാണ് വ്യവസ്ഥ ചെയ്തിരിക്കുന്നത്. അതു നിയമ ഭേദഗതി വഴിയല്ലാതെ ചട്ടങ്ങൾ രൂപീകരിച്ച് മറികടക്കാനാകില്ല. Stage carriage ആയി പ്രവർത്തിക്കുവാൻ വേണ്ട വ്യവസ്ഥകളിൽ ഈ ചട്ടം പോലും ഇളവു നൽകുന്നില്ല. നൽകിയാലും നിലനിൽക്കില്ല. All India Tourist vehicles ( Permit ) Rules 2023 ന്റെ scope അതേ ചട്ടങ്ങളിൽ വ്യക്തമാണ്. The All India Tourist permit shall be used for the transport of tourists ........'' ഈ scope നു അനുരോധമായ exemptions അല്ലാതെ അതിനെ മറികടക്കുന്ന exemptions, അതും മാതൃ നിയമത്തിനു വിരുദ്ധമായവ , അതിരു കടന്നതും സദുദ്ദേശ പരമല്ലാത്തതുമാണ് . അതു judicial Review ൽ നിലനിൽക്കാനേ പോകുന്നില്ല.
10. അവസാനമായി കേരള ഹൈക്കോടതിയുടെ ഇടക്കാല ഉത്തരവ്.
" shall be allowed to operate his vehicle in respect of the bookings already done subject to payment of fine......" ഇതല്ലേ ഉത്തരവ് ?
ബുക്കിങ് നിറവേറാം . ബുക്കിങ് എന്നത് കോൺട്രാക്ടാണ്. കോൺട്രാക്ട് കോൺട്രാക്ട് കാരിജിനു ബാധകമായതല്ലേ ?
അപ്പോൾ ഇതു കൊണ്ടു മാത്രം എല്ലാ റൂട്ടിലും ബസ് ഓടിച്ച് ഞങ്ങൾ KSRTC യെയും പൊതു ഗതാഗതത്തിനു മേലുള്ള സാമൂഹ്യ നിയന്ത്രണവും തകർക്കും എന്നൊക്കെയുള്ള വീരസ്യം തൽക്കാലം നടക്കില്ല.
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)