കെഎസ്ആര്‍ടിസിയും ടൂറിസ്റ്റ് ബസുടമകളും തമ്മിലുള്ള തർക്കം കടുക്കുന്ന സാഹചര്യത്തിൽ ഫേസ്ബുക് പോസ്റ്റുമായി കെ എസ് ആർ ടി സി. ‘ഉന്നാല്‍ മുടിയാത് തമ്പി’ എന്ന തലക്കെട്ടോടെയാണ് കെഎസ്ആര്‍ടിസിയുടെ ഫേസ് ബുക്ക് പോസ്റ്റ്. പുതിയ കേന്ദ്രനിയമം വന്ന ശേഷമാണ് കെഎസ്ആര്‍ടിസിയും ടൂറിസ്റ്റ് ബസുടമകളും തമ്മിലുള്ള തർക്കം രൂക്ഷമായത്. ഈ വിഷയത്തില്‍ നിലപാട് ഒന്നുകൂടി വ്യക്തമാക്കി എത്തിയിരിക്കുകയാണ് കെഎസ്ആര്‍ടിസി.സംഭവങ്ങളുടെ നിജസ്ഥിയും നിയമത്തിന്റെ വിശദീകരണങ്ങളും ഉൾപ്പെടെ പങ്കുവെച്ചു കൊണ്ടാണ് കെ എസ് ആർ ടി സി യുടെ ഫേസ്ബുക് പോസ്റ്റ്
കെ എസ്‌ആർ ടി സി യുടെ ഫേസ്ബുക് പോസ്റ്റ്
ആൾ ഇന്ത്യ ടൂറിസ്റ്റ് പെർമിറ്റ് (AITP) ഉപയോഗിച്ച് സ്റ്റേജ് കാര്യേജിന് സമാനമായ സർവ്വീസ് നടത്താം എന്ന വാദത്തിന്റെ നിജസ്ഥിതി എന്താണ് : ?
2023 ൽ കേന്ദ്ര സർക്കാർ മോട്ടോർ വാഹന നിയമം 1988, വകുപ്പ് 88 (14) പ്രകാരം പുറത്തിറക്കിയ G.S.R 302 (E) തീയതി
18.04.2023 നമ്പരായ All India Tourist Permit Rules – 2023 ൽ. ഏത് റൂട്ടിലൂടെയും സ്ഥലനാമ ബോർഡ് അടക്കം പ്രദർശിപ്പിച്ചു കൊണ്ട് സ്റ്റേജ് കാര്യേജ് ബസ് സ്റ്റാൻഡുകളിലടക്കം പ്രവേശിച്ച് യാത്രക്കാരെ കയറ്റി ഇറക്കി സർവ്വീസ് നടത്താൻ അനുമതി ലഭിച്ചു എന്ന് അവകാശപ്പെട്ടുകൊണ്ട് ഒരു സ്വകാര്യ ബസ് ഉടമ കുറച്ച് നാളുകളായി തന്റെ ശാരീരികാവസ്ഥയടക്കം ചൂണ്ടിക്കാട്ടി നവമാധ്യമങ്ങളിലൂടെ . വ്യാജ പ്രചാരണങ്ങൾ നടത്തി, നിയമം നടപ്പിലാക്കാൻ ചുമതലപ്പെട്ട മോട്ടോർ വാഹന വകുപ്പ് ഉദ്യോഗസ്ഥർക്കെതിരെയും കേരളത്തിലെ ഏറ്റവും വലിയ സ്റ്റേജ് കാര്യേജ് ഓപ്പറേറ്ററായ കെ.എസ്.ആർ.ടി.സിക്കെതിരെയും അപവാദ പ്രചാരണം നടത്തി അരങ്ങു തകർക്കുകയാണല്ലോ….
കേട്ടപാതി കേൾക്കാത്ത പാതി അതേറ്റു പിടിച്ച് കൂടെക്കൂടാനും ആളുണ്ടായി എന്നത് ആശ്ചര്യകരമാണ്….
അതേ സത്യം ചെരുപ്പ് ധരിക്കുമ്പോഴേക്കും … അസത്യം ലോക സഞ്ചാരം പൂർത്തിയാക്കും എന്നാണല്ലോ …
വിവാദങ്ങളുടെ പശ്ചാത്തലത്തിൽ എന്താണ് ഇതിന്റെ നിജസ്ഥിതി എന്ന് പരിശോധിക്കാം ….
ലിഖിതമായ നിയമങ്ങൾ നിലനിൽക്കുന്ന ഒരു രാജ്യമാണ് നമ്മുടേത്. ഇത്തരത്തിൽ റോഡ് ഗതാഗതത്തെ സംബന്ധിക്കുന്ന നിയമങ്ങൾ പ്രതിപാദിക്കുന്നത് മോട്ടോർ വാഹന നിയമം 1988 ലാണ്. പ്രസ്തുത നിയമത്തിലെ വകുപ്പ് 88 (9)ന്റെ പരിധിയിലാണ് ആൾ ഇന്ത്യ ടൂറിസ്റ്റ് പെർമിറ്റുമായി ബന്ധപ്പെട്ട വ്യവസ്ഥകൾ ഉൾക്കൊള്ളുന്നത്. മോട്ടോർ വാഹന നിയമം 1988, വകുപ്പ് 88 (14) പ്രകാരം AIT പെർമിറ്റുകൾ നൽകുന്നതിനുള്ള വ്യവസ്ഥകൾ നിശ്ച്ചയിക്കുന്നതിനുള്ള ചട്ടം നിർമ്മിക്കുന്നതിനുള്ള അധികാരം കേന്ദ്രസർക്കാരിൽ നിക്ഷിപ്തമാണ്. വകുപ്പ് 88 (9) ഉം വകുപ്പ് 88 (14) പ്രകാരം കേന്ദ്രസർക്കാർ പുറത്തിറക്കുന്ന ചട്ടപ്രകാരവുമാണ് AIT പെർമിറ്റുകൾ നൽകപ്പെടുന്നത്. വിനോദ സഞ്ചാരികളുമായി വരുന്ന Tourist Vehicles ന് ഓരോ സംസ്ഥാനങ്ങളുടെയും ചെക്ക് പോസ്റ്റുകളിൽ വ്യത്യസ്ത നികുതി അടച്ച് കടന്നുപോകേണ്ടി വരുന്നത് വിനോദ സഞ്ചാര മേഖലയുടെ വികസനത്തിന് വിഘാതമാകുന്നുവെന്നും, അത് വിനോദ സഞ്ചാരികളുടെ യാത്രയ്ക്ക് വൈഷമ്യങ്ങൾ സൃഷ്ടിക്കുന്നു എന്നും മനസ്സിലാക്കിയാണ് കേന്ദ്ര സർക്കാർ ഇതിനായി പുതിയ ചട്ടങ്ങൾ അവതരിപ്പിച്ചത്. ഈ ചട്ടങ്ങളിൽ ഏത് സംസ്ഥാനത്തേക്കും ഉള്ള പെർമിറ്റ് ഓൺലൈൻ ആയി പണമടച്ച് സമ്പാദിക്കാനും ഓൺലൈൻ ആയി നികുതി അടയ്ക്കാനും Tourist Vehicle Operater മാർക്ക് സാധിക്കും. രാജ്യത്തെ വിനോദ സഞ്ചാര മേഖലയിൽ തടസ്സം കൂടാതെയുള്ള അന്തർസംസ്ഥാന സഞ്ചാരം ഉറപ്പു വരുത്തുക എന്നതാണ് ഇതിലൂടെ കേന്ദ്ര സർക്കാർ ലക്ഷ്യം വെയ്ക്കുന്നത്. അല്ലാതെ സാധാരണ യാത്രക്കാരുടെ ദൈനം ദിന അന്തർസംസ്ഥാന സഞ്ചാരത്തെ സംബന്ധിച്ച വ്യവസ്ഥകൾ അല്ല ഈ പുതിയ AITP ചട്ടങ്ങൾ മുന്നോട്ട് വയ്ക്കുന്നത്.
AITP ചട്ടങ്ങൾ – 2023, ചട്ടം 2(d) യിൽ Tourist Vehicle എന്താണെന്ന് നിർവ്വചിച്ചിരിക്കുന്നു.
‘2(d) “tourist vehicle” shall have the same meaning as assigned to them in clause (43) of Section 2 of the Act’.
ഈ നിർവ്വചനപ്രകാരം മോട്ടോർ വാഹന നിയമം 1988, വകുപ്പ് 2 (43) ൽ നൽകിയിരിക്കുന്ന അതേ നിർവ്വചനമാണ് Tourist Vehicle ന് പുതിയ AITP ചട്ടങ്ങളിലും നൽകിയിരിക്കുന്നത്.
ടൂറിസ്റ്റ് വാഹനം എന്താണ് എന്ന് മോട്ടോർ വാഹന നിയമം 1988, വകുപ്പ് 2 (43) ൽ വ്യക്തമാക്കുന്നുണ്ട് ഇപ്രകാരമാണ്.
2 (43) “tourist vehicle” means a “CONTRACT CARRIAGE” constructed or adapted and equipped and maintained in accordance with such specifications as may be prescribed in this behalf’.
ഈ നിർവ്വചനപ്രകാരം Tourist Vehicle എന്നത് ഒരു CONTRACT CARRIAGE ആണെന്നും അത് Stage Carriage അല്ല എന്നും അർത്ഥശങ്കയ്ക്കിടയില്ലാത്ത വിധം വ്യക്തമാകുന്നു. എന്നാൽ Contract Carriage ന്റെ നിർവ്വചനത്തെക്കാൾ ചുരുങ്ങിയ പരിധിയുള്ള വിനോദ സഞ്ചാരികളുടെ യാത്രയ്ക്കായി മാത്രമേ AIT പെർമിറ്റുകൾ ഉപയോഗിക്കാവൂ എന്നും, “Stage Carriage”കളെപ്പോലെ സാധാരണ വിവിധ ആവശ്യങ്ങളുമായി വിവിധ സ്ഥലങ്ങളിലേക്ക് പോകുന്ന യാത്രക്കാരെ കയറ്റി ഇറക്കി സർവ്വീസ് നടത്തുന്നത് നിയമ വിരുദ്ധമാണെന്നും ഈ നിർവ്വചനങ്ങളിൽ നിന്ന് മനസ്സിലാക്കാം.
AIT പെർമിറ്റുകൾ വിനോദസഞ്ചാരികൾക്ക് മാത്രമായുള്ള Contract Carriage പെർമിറ്റുകളാണെന്നും ദൈനം ദിനം യാത്രചെയ്യുന്ന സാധാരണ യാത്രക്കാരുടെ ആവശ്യത്തിനുള്ളതല്ലെന്നും കർണ്ണാടക ഹൈക്കോടതി Satish N. Narayan’s case [2017 ILR (Kar.) 735] എന്ന കേസിൽ വ്യക്തമാക്കിയിട്ടുമുണ്ട്.
“Contract Carriage” എന്താണെന്ന് മോട്ടോർ വാഹന നിയമം 1988, വകുപ്പ് 2 (7) നിർവ്വചിക്കുന്നു.
2(7) “contract carriage” means a motor vehicle which carries a passenger or passengers for hire or reward and is engaged under a contract, whether expressed or implied, for the use of
such vehicle as a whole for the carriage of passengers mentioned therein and entered into by a person with a holder of a permit in relation to such vehicle or any person authorised by him in this behalf on a fixed or an agreed rate or sum –
(a) on a time basis, whether or not with reference to any route or distance; or
(b) from one point to another, and in either case, without stopping to pick up or set down passengers not included in the contract anywhere during the journey, and includes –
notwithstanding that separate fares are charged for its passengers.’
“Stage Carriage” എന്താണെന്ന് മോട്ടോർ വാഹന നിയമം 1988, വകുപ്പ് 2 (40) നിർവ്വചിക്കുന്നു.
2(40) “Stage carriage” means a motor vehicle constructed or
adapted to carry more than six passengers excluding the
driver for hire or reward at separate fares paid by or for
individual passengers, either for the whole journey or for
stages of the journey.’
ഒരേ ആവശ്യത്തിനായി ഒരു വ്യക്തിയോ വ്യക്തികളോ മുൻകൂർ വാടകയ്ക്ക് ഒരു കരാറിന്റെ അടിസ്ഥാനത്തിൽ വാടകയ്ക്ക് എടുക്കുന്ന തരം വാഹനങ്ങളാണ് Contract Carriage കൾ . ഇത്തരം വാഹനങ്ങളിൽ യാത്രയ്ക്കിടയിൽ Contract ൽ ഉൾപ്പെടാത്ത യാത്രക്കാരെ കയറ്റി ഇറക്കാനോ, ഓരോ യാത്രക്കാരനുമായി വ്യത്യസ്ത Contract ഉണ്ടാക്കാനോ, യാത്രക്കാരിൽ നിന്ന് വ്യത്യസ്ത നിരക്ക് ഈടാക്കാനോ സാധ്യമല്ല. എന്നാൽ Stage Carriage കളിൽ വിവിധ ആവശ്യങ്ങൾക്കായി വിവിധ സ്ഥലങ്ങളിലേക്ക് യാത്ര ചെയ്യുന്നവരിൽ നിന്ന് വ്യത്യസ്ത നിരക്കുകൾ ഈടാക്കി യാത്ര ചെയ്യാൻ അനുവദിക്കാം. മോട്ടോർ വാഹന നിയമം 1988, വകുപ്പ് 88 ( പ്രകാരം ഒരു Stage Carriage ന് താൽക്കാലികമായി Special Contract Carriage പെർമിറ്റ് ലഭിക്കാൻ വ്യവസ്ഥയുണ്ട്. എന്നാൽ Contract Carriage കൾക്ക് താൽക്കാലികമായിപ്പോലും Stage Carriage പെർമിറ്റ് നൽകാൻ മോട്ടോർ വാഹന നിയമം, 1988 ൽ വ്യവസ്ഥ ചെയ്യുന്നില്ല.
Stage carriage കളും Contract carriage/AITP സർവ്വീസുകൾക്കും തമ്മിലുള്ള ഘടനാപരമായ വ്യത്യാസം വിവിധ വിധികളിലൂടെ ബഹു: സുപ്രീം കോടതിയും ബഹു: കേരള ഹൈക്കോടതി അടക്കമുള്ള ഹൈക്കോടതികളും പല പ്രാവശ്യം വിശദീകരിച്ചിട്ടുണ്ട്.
രാജ്യത്ത് നിലനിൽക്കുന്ന ഈ നിയമം തനിക്ക് ബാധകമല്ല എന്ന് ഏതെങ്കിലും മാദ്ധ്യമങ്ങളെയടക്കം വിളിച്ചു കുട്ടി ഒരു വ്യക്തി പ്രഖ്യാപിക്കുകയും, അത് കുറച്ചുപേർ ഏറ്റു പിടിച്ച് ആളെക്കൂട്ടി എന്നത് കൊണ്ടും, ഇന്ത്യൻ പാർലമെന്റ് പാസാക്കിയ നിയമവും അതിനനുബന്ധമായ ചട്ടങ്ങളും വിവിധ ഹൈക്കോടതി വിധികളും സുപ്രീം കോടതി വിധികളും അപ്രസക്തമാകും എന്ന് കരുതുന്നവരോട് സഹതപിക്കാനേ കഴിയൂ…..
AITP ചട്ടങ്ങൾ – 2023, ചട്ടം 3(1)ലും Tourist Vehicle Permit ആർക്കാണ് നൽകേണ്ടതെന്ന് വ്യക്തമാക്കുന്നു.
‘(3) Application for All India Tourist Permit- (1) The All India Tourist Permit shall be granted only to a tourist vehicle of tourist vehicle operator.”
ഇത്തരത്തിൽ ഒരു ടൂറിസ്റ്റ് വാഹന ഓപ്പറേറ്ററുടെ ടൂറിസ്റ്റ് വാഹനത്തിന് Contract carriage ആയി പെർമിറ്റ് നൽകുന്നതിന് ആണ് AITP ചട്ടങ്ങൾ – 2023 രൂപീകരിച്ചിരിക്കുന്നതെന്ന് ഇതിൽ നിന്നും വ്യക്തമാകുന്നു. മേലുദ്ധരിച്ച വകുപ്പുകൾക്കും ചട്ടങ്ങൾക്കും വിരുദ്ധമായി AIT പെർമിറ്റുകൾ ഉപയോഗിക്കുന്നത് AITP ചട്ടങ്ങൾ – 2023, ചട്ടം 11 (a) പ്രകാരം പെർമിറ്റ് റദ്ദാക്കുകയോ സസ്പെൻഡോ ചെയ്യാവുന്ന കുറ്റമാണ്.
പ്രസ്തുത ചട്ടം ചുവടെ ചേർക്കുന്നു.
‘11. Cancellation and suspension of permit- The Transport Authority which granted the All India Tourist Permit, may cancel the All India Tourist Permit, if the holder of the All
India Tourist Permit-
(a) uses or causes or allows a tourist vehicle to be used in contravention to the provisions of these rules or the Act.’
ഇത്തരത്തിൽ Contract Carriage ആയ Tourist Vehicle കൾ Contract Carriage ആയി ഉപയോഗിക്കുന്നതിനു പകരം അനധികൃതമായി Stage Carriage ആയി ഉപയോഗിക്കുന്നത് മോട്ടോർ വാഹന നിയമം 1988, വകുപ്പ് 192 (A) യിൽ പറഞ്ഞിരിക്കുന്നത് പ്രകാരം വാഹനം പെർമിറ്റ് നൽകിയിരിക്കുന്ന ഉദ്ദേശത്തിന് വിരുദ്ധമായ ഉപയോഗമായി കണക്കാക്കും. അത്തരം പ്രവൃത്തിക്ക് വ്യക്തമായ ശിക്ഷാ നടപടിയും മോട്ടോർ വാഹന നിയമം 1988, വകുപ്പ് 192 A യിൽ നിർദ്ദേശിക്കുന്നുണ്ട്.
Section 192A in The Motor Vehicles Act, 1988
192 A Using vehicle without permit. —
(1) Whoever drives a motor vehicle or causes or allows a motor vehicle to be used in contravention of the provisions of sub-section (1) of section 66 or in contravention of any condition of a permit relating to the route on which or the area in which or the purpose for which the vehicle may be used, shall be punishable for the first offence with a fine which may extend to five thousand rupees but shall not be less than two thousand rupees and for any subsequent offence with imprisonment which may extend to one year but shall not be less than three months or with fine which may extend to ten thousand rupees but shall not be less than five thousand rupees or with both: Provided that the court may for reasons to be recorded, impose a lesser punishment.
ഇത്തരത്തിൽ “Contract Carriage” ആയി ഓപ്പറേറ്റ് ചെയ്യേണ്ട “Tourist Vehicle” വാഹനം ഉദ്ദേശിച്ചിരിക്കുന്ന ഉപയോഗത്തിന് വിരുദ്ധമായി അനധികൃതമായി “Stage Carriage” ആയി സർവ്വീസ് നടത്തിയാൽ പ്രസ്തുത വാഹനം മോട്ടോർ വാഹന നിയമം 1988, വകുപ്പ് 207 പ്രകാരം അസിസ്റ്റന്റ് മോട്ടോർ വെഹിക്കിൾ മുതൽ മുകളിലേക്കുള്ള ഏതു മോട്ടോർ വാഹന വകുപ്പ് ഉദ്യോഗസ്ഥനും വാഹനം പിടിച്ചെടുത്ത് കസ്റ്റഡിയിൽ സൂക്ഷിച്ച് നിയമ നടപടി സ്വീകരിക്കാവുന്ന കുറ്റവുമാണ്.
Section 207 in The Motor Vehicles Act, 1988
207. Power to detain vehicles used without certificate of registration permit, etc.—
(1) Any police officer or other person authorised in this behalf by the State Government may, if he has reason to believe that a motor vehicle has been or is being used in contravention of the provisions of section 3 or section 4 or section 39 or without the permit required by sub-section (1) of section 66 or in contravention or any condition of such permit relating to the route on which or the area in which or the purpose for which the vehicle may be used, seize and detain the vehicle, in the prescribed manner and for this purpose take or cause to be taken any steps he may consider proper for the temporary safe custody of the vehicle: Provided that where any such officer or person has reason to believe that a motor vehicle has been or is being used in contravention of section 3 or section 4 or without the permit required by sub-section (1) of section 66 he may, instead of seizing the vehicle, seize the certificate of registration of the vehicle and shall issue an acknowledgment in respect thereof.
ഇത്തരത്തിൽ “Contract Carriage” ആയി വിനോദ സഞ്ചാരികൾ എന്ന ഒരു വിഭാഗം യാത്രക്കാർക്കായി മാത്രം സർവ്വീസ് നടത്താൻ AIT പെർമിറ്റ് എടുത്ത ബസ് ഉടമ, താൻ സ്റ്റേജ് കാര്യേജുകളെപ്പോലെ ബോർഡ് വെച്ച്, സ്റ്റേജ് കാര്യേജ് സർവ്വീസുകൾക്കായുള്ള ബസ് സ്റ്റാൻഡുകളിൽ കയറി, തനിക്ക് തോന്നിയ നിരക്ക് ഈടാക്കി നിയമത്തിന്റെ എല്ലാ വ്യവസ്ഥകളും ലംഘിച്ച് സർവ്വീസ് നടത്തും എന്ന് പറയുന്നത് നിയമത്തെയും നിയമ സംവിധാനങ്ങളെയും മാനിക്കാത്ത ഒരു വ്യക്തിയുടെ രാജ്യത്തെ നിയമങ്ങളോടും നിയമ സംവിധാനങ്ങളോടുമുള്ള യുദ്ധപ്രഖ്യാപനമാണ്. അത് കണ്ടു നിൽക്കലല്ല നിയമം നടപ്പാക്കേണ്ട ഉദ്യോഗസ്ഥരുടെ കടമ എന്നതിനാലാണ് മോട്ടോർ വാഹന വകുപ്പ് ഉദ്യോഗസ്ഥർ കെ.എസ്.ആർ.ടി.സിയുടെ പരാതിയിൻമേൽ ആ വാഹനം നിയമപരമായി പിടിച്ചെടുത്ത് നിയമ നടപടികൾ ആരംഭിച്ചത്.
ഇത്തരം സർവ്വീസുകൾ ജനങ്ങൾക്ക് മികച്ച സേവനം നൽകും എന്ന വാദം ഉയർത്തുന്നവർ ചില ചോദ്യങ്ങൾ സ്വയം ചോദിക്കുന്നത് നന്നാവും.
1. എന്തുകൊണ്ടാണ് വരുമാനം കുറഞ്ഞ ആദിവാസി മേഖലകളിലേക്കടക്കം ഈ ജനസേവനം ഉണ്ടാകാത്തത് ?
2. യാത്രക്കാർ കുറവുള്ള രാത്രി സമയങ്ങളിൽ എന്തുകൊണ്ടാണ് ഈ ജനസേവനം കിട്ടാത്തത് ?
3. എന്തിനാണ് ഈ ആഡംബര സേവനം നൽകുന്നവർ ഓണക്കാലത്തും മറ്റും ജനങ്ങളെ പിഴിഞ്ഞ് കെ.എസ്. ആർ.ടി.സിയുടേതിനേക്കാൾ നാലിരട്ടി വരെ അമിത നിരക്ക് ഈടാക്കുന്നതായി പരാതി ഉയരുന്നത് ?
4. ഇത്തരത്തിൽ അനധികൃത സർവ്വീസുകളെ പ്രോത്സാഹിപ്പിച്ചാൽ നിയമപരമായി Stage Carriage പെർമിറ്റെടുത്ത 10,000 ത്തോളം സ്വകാര്യ ബസുകളിലും 5000 ത്തിലധികം കെ.എസ്.ആർ.ടി.സി ബസുകളിലും അതിൽ കുറഞ്ഞ ചെലവിൽ യാത്ര ചെയ്യുന്ന സാധാരണക്കാരായ യാത്രക്കാരോടും 75,000 ത്തോളം വരുന്ന അതിലെ തൊഴിലാളികളോടുമുള്ള നീതി നിഷേധമെന്ന നിലയിൽ ഒരു സർക്കാരിന് അത് കണ്ട് നിൽക്കാൻ സാധിക്കുമോ?
ഏതൊരു സംരംഭകനും നിയമം അനുശാസിക്കുന്ന വിധത്തിൽ ഏത് ബിസിനസ് സംരംഭം നടത്തുന്നതിനും ഈ രാജ്യത്ത് നിയമപരമായ സംരക്ഷണം ലഭിക്കും. തനിക്കെതിരെ എടുത്ത നടപടി നിയമപരമല്ലെങ്കിൽ അതിനെതിരെ കോടതിയെ സമീപിക്കുകയും പരിഹാരം തേടുകയും ചെയ്യാനും ഏതൊരാൾക്കും അവകാശമുണ്ട്. പക്ഷെ താൻ നിയമം ലംഘിച്ച് ബിസിനസ് സംരംഭം നടത്തും എന്ന് രാജ്യത്തെ നിയമവ്യവസ്ഥക്ക് നേരെ ഒരാൾ വെല്ലുവിളി മുഴക്കിയാൽ ആ മാന്യദ്ദേഹത്തോട് ആലങ്കാരികമായി ഒന്നേ പറയാനുള്ളൂ ……
“ഉന്നാൽ മുടിയാത് തമ്പീ…..”
https://www.kairalinewsonline.com/ksrtc-shared-a-facebook-post-about-all-india-tourist-permit-statement
